Лингвистика

Этнологиядин энциклопедияда лингвистри лезги чIал Кефер Къафкъаздин чIаларин хизандик акатзавайди къалурнава. Им эргатив, ачух тушир сесери гзафвал тешкилзавай, существительнийрин склоненидин гегьенш система ва гьадаз килигай глаголрин эхирар авай чIал я. Лезги лингвистика чириз кIанзавай ингилис кIелзавайбурувай Мартин Хаспелматан «Лезги грамматика» (1993) ктабдикай менфят къачуз жеда. Ана лезги синтаксисдикайни морфологиядикай гегьеншдиз кхьенва. Урусатдин кIелзавайбурувай Дагъустандин Гьукуматдин Университетдин алимрал меслят гъиз жеда. «Уьфуьг-C» компания чIал социологический жигьетдай ахтармишиз, чIалан документация тухуз, са гафуналди, лезги лингвистикадиз куьмек гуз алахъзава. «Уьфуьг-Cдин» лингвистрин макьсад гьамни Исмаиллы райондин лезги агьалийрин нугъат Хаспелматан анализрив ва Куьре, Ахцегь, КцIар регионрин нугъатрив гекъигунин рекьелди чирун я. Гележегда и нугъат кьилди чирун ва лезги чIалан нугъатар санлай анализ авун пландик ква.
Lezgi alphabet.jpg